Neytendaverðlaunin 2007 16. mars 2007

Í gær, 15. mars veittu Neytendasamtökin og Bylgjan Neytendaverðlaunin 2007. Val á fyrirtæki fór fram með netkosningu, þar sem neytendur sjálfir tilgreindu hvaða fyrirtæki þeir teldu vera best að þessum verðlaunum komin. Þau 10 fyrirtæki sem hlutu flestar tilnefningar frá neytendum komust áfram í úrslit. Samtals greiddu rúmlega 7000 neytendur atkvæði í seinni atkvæðagreiðslunni og er það svipuð þátttaka og í fyrra þegar Neytendaverðlaunin voru afhent í fyrsta sinn.
 
Það fyrirtæki sem hlaut flest atkvæði var verslunin Bónus en í öðru sæti kom Iceland Express og Atlantsolía var í því þriðja.
 
Röð fyrirtækjanna var eftirfarandi:
 
1.     Bónus
2.     Iceland Express
3.     Atlantsolía
4.     Sparisjóðirnir
5.     Krónan
6.-7. Fjarðarkaup
6.-7. Rúmfatalagerinn
8.     IKEA
9.     Office 1
10.   Húsasmiðjan
 
 
Upplýsingar fengnar frá heimasíðu Neytendasamtakana.

Annað fréttnæmt

Vistvænna bensín 95 E10 á öllum dælum!

Vistvænna bensín 95 E10 á öllum dælum!

Við höfum skipt úr 95 E5 yfir í 95 E10 sem þýðir um 10% etanól iblöndun í bensínið okkar. Þessi aukning á íblöndun etanóls veldur minni losun koltvísýrings út í andrúmsloftið og því má segja að bensínið okkar sé vistvænna. Allir bensínknúnir bílar frá árinu 2011 geta dælt E10 eldsneytinu en ef þú ert á bíl árgerð 2010 eða eldri mælum við með að þú kynnir þér hvort hægt sé að dæla E10 á bílinn,t.d hér Varðandi notkun á 95 E10 fyrir önnur vélknúin ökutæki og vélar bendum við á upplýsingar frá viðkomandi framleiðanda.
Bilun í uppgjörskerfi Salt Pay

Bilun í uppgjörskerfi Salt Pay

Bilun í uppgjörskerfi Salt Pay. Vegna tæknilegrar bilunar í uppgjörskerfi Salt Pay voru úttektir með dælulyklum og greiðslukortum sem teknar voru á bensínstöðvum okkar 13. maí sl. skuldfærðar í morgun, 17. Júní.
Okkar lægsta eldsneytisverð nú einnig á Akureyri!

Okkar lægsta eldsneytisverð nú einnig á Akureyri!

Nú bjóðum við okkar lægsta eldsneytisverð einnig á bensínstöð okkar við Baldursnes Akureyri og bætist hún þá við Kaplakrika og Sprengisand þar sem engir afslættir gilda, heldur bara okkar langslægsta verð. Við vonum sannarlega að Norðlendingar kunni að meta þennan valkost í eldsneytiskaupunum enda búbót fyrir neytendur.