Lögreglan og Atlantsolía gefa endurskinsmerki 28. október 2011
Þessa dagana er lögreglan að dreifa umferðarbæklingum og endurskinsmerkjum til allra 6 ára barna á landinu. Atlantsolía er þátttakandi í því verkefni en félagið gefur endurskinsmerki auk þátttöku í öðrum kostnaði. Alls eru það um 4.500 grunnskólabörn á fyrsta ári sem fá bæklinginn og merkið afhent en slíkt hefur verið árviss viðburður síðastliðin 10 ár. Fyrsti bekkurinn til að fá sendinguna góðu var 1. HS í Austurbæjarskóla en þar tók frísklegur hópur nemenda á móti þeim Guðrúnu Rögnu Garðarsdóttur, framkvæmdastjóra Atlantsolíu og Guðmundi St. Sigmundssyni lögreglumanni.