Gott að búa í Kópavogi 12. ágúst 2004
Í nýjasta fréttablaði Kópavogspóstsins er fjallað um hversu vel íbúar bæjarins búa gagnvart samkeppni á eldsneytismarkaði. Þar segir meðal annars að hækkanir stóru olíufélaganna um síðustu mánaðamót hafi lítt náð til bæjarins og að þannig greiði Reykvíkingar að jafni 109 krónur fyrir lítrann af 95 oktana bensíni samanborið við fjórar stöðvar í Kópavogi sem bjóða lítrann undir 100 krónum. Blaðamaður tiltekur einnig verð á landsbyggðinni og nefnir að hæstu verð í sjálfsafgreiðslu séu á Hvolsvelli og Seyðisfirði eða 111 krónur. Í lokin er reiknaður út sá sparnaður sem höfuðborgarbúar myndu njóta versluðu þeir allir á bensínstöðvunum með lægsta verðið. Nemur sparnaðurinn um 2 milljónum á dag eða um 14 milljónum á viku.
Annað fréttnæmt
Atlantsolía keyrir áfram neyðarvarnir og skaðaminnkun Rauða krossins
Atlantsolía og Rauði krossinn á Íslandi hafa undirritað samstarfssaming sem í felst styrkur til eldsneytisnotkunar fyrir bifreiðar Rauða krossins sem eru notaðar í skaðaminnkunarverkefninu Frú Ragnheiður og í neyðarvarnastarfi félagsins.
Okkar lægsta verð líka í Öskjuhlíð
Nú fæst okkar ódýrasta eldsneyti á tveimur bensínstöðvum okkar í Reykjavík en nýlega bættist Öskjuhlið í hóp svokallaðra Bensínsprengjustöðva og eru þær því orðnar fimm talsins, í Kaplakrika, Sprengisandi, Baldursnesi Akureyri og á Selfossi.
Bensínsprengjan mætt á Selfoss - okkar lægsta verð á Suðurlandi!
Nú bjóðum við okkar lægsta eldsneytisverð einnig á bensínstöð okkar á Selfossi og bætist hún þá við Kaplakrika,Sprengisand og Baldursnes Akureyri en þar gilda ekki afslættir með dælulyklum,bara okkar ódýrasta verð. Við bjóðum Sunnlendinga og nærsveitunga velkomna í hóp ánægðra viðskiptavina sem kunna vel að meta þennan valkost í eldsneytiskaupunum enda búbót fyrir neytendur.