Atlantsolíu og FH hlaup í kvöld 23. febrúar 2012
Atlantsolíu/FH hlaup fór fram í kvöld. Hlaupið fór fram í blíðskaparveðri og voru fjölmargir að setja persónuleg met. Kári Steinn Karlsson, Breiðablik, setti nýtt brautarmet þegar hann hljóp 5 km á 15.03 mínútum. Fyrra metið átti Stefán Guðmundsson sem var 15,24 mín en hann varð nr. 2 í hlaupinu á eftir Kára Steini í kvöld. Í kvennaflokki sigraði Arndís Ýr Hafþórsdóttir, Fjölni á 18,30 sem er aðeins 3 sekúndum frá brautarmeti hennar síðan í fyrra.
Alls tóku 168 hlauparar þátt en heildarúrslit verða fljótlega birt á www.hlaup.is
Nánar um fyrirkomulag hlaupsins má finna hér en síðasta hlaup vetrarins verður 22. mars.
Minnt er á glæsilegt lokahóf föstudagskvöldið 30. mars að Kaplakrika þar sem fjöldi vinninga verður í boði en dregið er úr nöfnum þátttakenda. Þannig hafa þeir sem taka þátt í öllum hlaupunum mesta vinningsmöguleika.
Úrslit frá síðasta hlaupi má finna á hlaup.is.