Atlantsolía kaupir fimm bensínstöðvar af Olís 11. desember 2018

Atlantsolía hefur keypt fimm þjónustustöðvar af Olís á höfuðborgarsvæðinu. Atlantsolía undirritaði kaupsamning við Olís þann 8. september síðastliðinn með fyrirvara um samþykki Samkeppniseftirlitsins, sem hefur nú veitt samþykki fyrir kaupunum.

Stöðvarnar sem um ræðir eru við Háaleitisbraut 12, Knarrarvog 2, Kirkjustétt 2-6, Starengi 2 og Vallargrund 3. Í kaupunum fylgja meðal annars fasteignir, lóða- og aðstöðusamningar og tæki til afgreiðslu eldneytis.

„Kaupin á nýju þjónustustöðvunum er einn liður í því að styrkja vöxt félagsins til framtíðar. Markmið okkar er að bjóða eldsneyti á sem hagstæðasta verði til neytenda á sem flestum stöðum, ásamt því að ná betri nýtingu á dreifikerfi félagsins,“ segir Guðrún Ragna Garðarsdóttir, forstjórir Atlantsolíu.

„Atlantsolía hefur á undanförnum árum mælst einna hæst meðal allra íslenskra fyrirtækja í Íslensku ánægjuvoginni og við erum afar stolt af þeim árangri. Það hvetur okkur til þess að sækja fram og gera betur á öllum sviðum og kaupin eru vissulega liður í því.“    

 Í kjölfar kaupanna eru stöðvar Atlantsolíu orðnar 24 talsins, staðsettar bæði á höfuðborgarsvæðinu og landsbyggðinni

Annað fréttnæmt

Lokum fyrr í dag, föstudag - ÁFRAM ÍSLAND!

Lokum fyrr í dag, föstudag - ÁFRAM ÍSLAND!

Við ætlum að drífa okkur heim að horfa á Ísland - Nígería í dag, föstudag og lokum þjónustuverinu og skrifstofunni kl.14:30 en stöðvarnar okkar eru að sjálfsögðu opnar allan sólarhringinn alla daga. Góða helgi og ÁFRAM ÍSLAND!