Ekkert PIN - meiri hraði
Með Dælulykli Atlantsolíu verða eldsneytiskaupin enn einfaldari og hraðvirkari. Einungis þarf að bera lykilinn upp að dælunni sem um leið fer í gang. Þú þarft ekki að taka veskið úr vasanum eða muna eftir PIN-númerinu.
Sjá hvernig Dælulykill virkar - 2,7MB.
Í byrjun þarf að tengja lykilinn við kreditkort, debetkort eða Atlantsolíukort. Ath að ekki er hægt að tengja lykilinn við American Express kort. Hægt er að tengja fleiri en einn dælulykil við sama kortið. Sækja má um lykilinn hér neðar á heimasíðunni en að jafnaði tekur 4 virka daga að fá sendan dælulykil.
Lyklinn er sendur ótengdur til notanda.
Ókeypis - lægra bensínverð
Dælulykill er ókeypis og engar þóknanir eru tengdar honum. Hann veitir 2 krónur í afslátt auk 8 kr. afslátt á afmælisdegi lykilhafa eða samtals 10 krónur. Lykilinn er í gildi svo framarlega sem greiðslukort notanda er virkt.
Lykilinn er á ábyrgð eiganda.
Kvittun í tölvupósti
Hægt er að tengja Dælulykillinn við tölvupóstfang þannig að um klukkustund eftir dælingu kemur
sjálfkrafa (pdf) kvittun með tölvupósti.
Tækniupplýsingar
Örsmár örgjörfi, með dulkóða, er í lyklinum sem virkjast þegar hann er borinn að lyklalesara dælunnar. Á sömu stundu er gengið úr skugga um að lykill og kort séu í fullu gildi. Allt tekur þetta örskotsstund og vilji notandi kvittun að dælingu lokinni ber hann lykilinn að dælunni og velur kvittun. Engar upplýsingar eru geymdar í lyklinum um kortnúmer eða viðskiptavin og ekki er hægt að nota lykilinn til annars en að greiða fyrir eldsneyti hjá Atlantsolíu.
Hámarks úttekt
Hægt er að velja um fimm mismunandi upphæðir til úttektar á sólarhring með dælulyklinum.
Sú lægsta er 5.000, 10.000, 15.000, 20.000 og 25.000 . Eingöngu er þó skuldfært fyrir þá upphæð sem dælt er á bifreiðina hverju sinni. Sé lykill tengdur við inneignarkort þarf að gæta þess að næg inneign sé fyrir hendi miðað við sólarhringsheimild sem lykillinn er skráður fyrir.
Þannig þarf inneign að vera amk. 5.000 krónur sé sólarhringsheimild 5.000 kr.
Dælulykil tapast
Tapist lykill skal tilkynna það tafarlaust til Atlantsolíu í síma 591-3100 virka daga á skrifstofutíma eða neyðarsíma MasterCard í síma 533-1400 eða VISA í síma 525-2000.
Nánari upplýsingar fást í síma 591-3100.